برمنگھم: برطانیہ میں درجنوں حاضرین نے آنکھوں پر پٹی باندھ کر ایک شادی کی تقریب میں شرکت کی۔دولہے نے خود اپنی شادی کے دن آنکھوں پر پٹی باندھی ہوئی تھی۔ تفصیلات کے مطابق یہ دلہن کے ساتھ اظہار یکجہتی کے لیے کیا گیا تھا جو شادی سے برسوں پہلے اپنی بینائی سے محروم ہو گئی تھی، اور اپنی شادی کے اہم دن کو دیکھنے سے قاصر تھی۔ اس شاندار شادی کا اہتمام برطانیہ کے شہر برمنگھم میں کیا گیا۔ دلہن لوسی ایڈورڈزجس کی عمر اس وقت 27 کے قریب ہے، 11 سال کی عمر میں جلد کی ایک نادر جینیاتی حالت کی وجہ سے نابینا ہونا شروع ہوگئیں۔
نوعمری سے پہلے، انہوں نے اپنی دائیں آنکھ کی بینائی کھونا شروع کردی – لیکن یہ 17 سال کی عمر میں تیزی سے خراب ہوگئی۔ لوسی نے اپنی بینائی سے محروم ہونے سے ٹھیک پہلے 2015 میں اپنے ساتھی، اولی کیو سے ملاقات کی۔ جوڑے نے جون 2018 میں منگنی کی تھی۔
جوڑے نے 31 اگست 2023 کو شادی کی تاریخ مقرر کی اور 2022 میں لوسی نے فیصلہ کیا کہ وہ نہیں چاہتی کہ اس کے دوست اور گھر والے انہیں گلیارے پر چلتے ہوئے دیکھیں۔اس کے علاوہ ، لوسی نے سوچا کہ ان کے لیے یہ ضروری ہے کہ وہ گذشتہ 10 سالوں میں ان کے بینائی سے محرومی کے باعث محسوس ہونے والے ‘کڑوا پن’ کا تجربہ کریں۔اس کا کہنا تھا کہ’میرے خاندان کو تشویش تھی کہ میں اپنے اس لمحے کی خوشی سے محروم رہوں گی کہ ہر کوئی مجھے گلیارے پر چلتے ہوئے دیکھ رہا ہے۔”
دولہا اولی نے اپنی شادی کے دن کے بارے میں کہا: "وہ لمحہ جب ہم سب کی آنکھوں پر پٹی بندھی ہوئی تھی وہ سب سے زیادہ جذباتی لمحات میں سے ایک تھا جس کا میں نے کبھی تجربہ کیا ہے۔” انہوں نے مزید کہا: "ہم واقعی اس لمحے کو ہم دونوں کے لیے کچھ یکساں بنانا چاہتے تھے اور میں اس کو کبھی نہیں بدلوں گا۔”
