بوکارو:جھارکھنڈ کے بوکارو ضلع کے کھیتکو گاؤں میں محرم کے موقع پر 11 ہزار وولٹ کی ہائی ٹینشن لائن کی زد میں آکر چار افراد کی موت ہوگئی۔ بی بی سی کو واقعے کی تصدیق کرتے ہوئے ضلع کے ایس پی نے بتایا ہے کہ یہ چاروں افراد کی موت بجلی کا کرنٹ لگنے سے ہوئی۔ خبر رساں ایجنسی پی ٹی آئی کی رپورٹ کے مطابق اس واقعے میں دس افراد زخمی ہوئے ہیں۔پولیس کا کہنا ہے کہ اس کی حالت فی الحال خطرے سے باہر ہے۔واقعہ کے بارے میں بوکارو کے ایس پی پریادرشی آلوک نے بتایا کہ صبح تقریباً 5 بجے گاؤں میں مسلم کمیونٹی کے لوگ چار تعزیے لے رہے تھے۔انہوں نے بتایا کہ ہائی ٹینشن تار کے قریب تین تعزیوں سے نکلنے کے بعد چوتھے تعزیہ کے گنبد کے اوپری سرے پر موجود لوہے کی سلاخ ہائی ٹینشن تار سے ٹکرائی۔
صبح بارش ہوئی تھی، اس لیے تعزیہ بھیگ گیا اور کرنٹ لگ گیا اور جن لوگوں نے اسے پکڑا وہ کرنٹ کی زد میں آ گئے۔کھیتکو گاؤں کے سربراہ شبیر انصاری کا کہنا ہے کہ کل تیرہ لوگوں نے تعزیہ کو پکڑ رکھا تھا، جو کرنٹ کے زدمیں آگئے۔انہوں نے بتایا کہ ہم ان 13 زخمیوں کو بوکارو سٹیل سٹی بی جی ایچ ہسپتال لے گئے۔ جہاں آصف انصاری، انعام الحق، غلام حسین اور ساجد انصاری کو مردہ قرار دیا گیا۔ باقی زخمی اسپتال میں زیر علاج ہیں۔
اس واقعہ میں زخمیوں اور مرنے والوں کے لواحقین کو وزیراعلیٰ نے معاوضہ کی فراہمی کو یقینی بنایا ہے۔ اس کے تحت زخمی خاندان کو ایک ایک لاکھ روپے دیے گئے ہیں۔ اس کے ساتھ ہی متوفی کے خاندان کو 2 لاکھ روپے، فیملی فائدے کے طور پر 20 ہزار روپے اور پی ایم ہاؤس کا چیک دیا گیا ہے۔ برمو کے ایم ایل اے انوپ سنگھ نے کہا کہ تمام متاثرہ خاندانوں کو چیکس دے دیے گئے ہیں۔
واقعہ صبح ساڑھے پانچ بجے کا بتایا جا رہا ہے۔ یہاں زخمیوں کو بوکارو ڈی وی سی اسپتال کے ڈاکٹروں نے ابتدائی طبی امداد کے بعد بہتر علاج کے لیے بوکارو کے بی جی ایچ اسپتال ریفر کیا ہے۔ سات افراد کی حالت تشویشناک ہے۔
اسپتال میں کافی ایمبولینس نہ ہونے کی وجہ سے زخمیوں اور زخمیوں کے لواحقین کو بوکارو تھرمل پولیس اسٹیشن کی گاڑی کے ذریعے بوکارو اسپتال پہنچایا گیا ۔ موقع پر بوکارو تھرمل پولیس اسٹیشن کے انسپکٹر و اسٹیشن انچارج شیلیش کمار چوہان، پیٹوار اسٹیشن انچارج ونے کمار کے ساتھ کتھارا او پی، گاندھی نگر تھانے پہنچے اور پہلے زخمیوں کو بہتر علاج کے لیے باہر بھیجنے میں مدد کی۔ موقع پر پہنچ کر تفتیش جاری ہے۔
گاؤں والوں اور زخمیوں کے لواحقین نے الزام لگایا ہے کہ یہ واقعہ تہوار کے پیش نظر بجلی کی سپلائی نہ کاٹنے کی وجہ سے پیش آیا۔ یہاں واقعہ پر زخمیوں کے لواحقین رو رو کر برا حال ہے جبکہ کھیتکو سمیت دیگر علاقوں میں غم کی فضا ہے۔
خبروں کے مطابق یہ واقعہ تب رونما ہوا، جب تعزیہ کو امام بادہ میں شفٹ کرنے کے لیے لے جایا جا رہا تھا۔ مرنے والوں میں آصف رضا (21 سال)، انعام الرب (35 سال)، غلام حسین (18 سال)، ساجد انصاری (18 سال) شامل ہیں۔
دریں اثناوزیر اعلیٰ ہیمنت سورین نے حادثے کے بارے میں ٹویٹ کیا، انہوں نے لکھا، "بوکارو ضلع کے کھیتکو میں محرم کے جلوس کے دوران ایک حادثے میں 4 لوگوں کی موت اور 10 لوگوں کے زخمی ہونے کی افسوسناک خبر موصول ہوئی ہے۔” اللہ تعالیٰ مرحوم کی روح کو سکون عطا فرمائے اور سوگوار خاندان کو دکھ کی اس گھڑی کو برداشت کرنے کی ہمت دے۔ زخمیوں کا علاج ضلعی انتظامیہ کی نگرانی میں کیا جا رہا ہے۔ میں تمام زخمیوں کی جلد صحت یابی کی دعا کرتا ہوں۔
