آئی سی سی ورلڈ کپ کے 37ویں میچ میں وراٹ کوہلی کی سنچری
کولکتہ (یو این آئی) ہندوستان نے اتوار کو آئی سی سی ورلڈ کپ کے 37ویں میچ میں وراٹ کوہلی کی (101ناٹ آوٹ) سنچری اننگز کے بعد رویندر جڈیجہ کی پانچ وکٹوں کی بدولت جنوبی افریقہ کے خلاف 243 رن کی زبردست جیت حاصل کرتے ہوئے ٹورنامنٹ میں اپنا جیت کا سلسلہ جاری رکھا۔327 رن کے ہدف کے تعاقب میں جنوبی افریقہ کی ٹیم ہندستانی گیند بازوں کے سامنے ٹک نہ سکی اور پوری ٹیم 27.1 اوور میں 83 رن پر سمٹ گئی۔
جنوبی افریقہ کی شروعات خراب رہی اور دوسرے اوور کی چوتھی گیند پر اس کے اوپنر کوئنٹن ڈی کاک پانچ رن بنا کر سراج کے ہاتھوں بولڈ ہو گئے۔ اس کے بعد نویں اوور کی تیسری گیند پر جڈیجہ نے کپتان ٹیمبا باوما کو 11 رن پر آؤٹ کر کے پویلین بھیج دیا۔ شامی نے ایڈن مارکرم کو 10 اوورز میں نو رن پر آؤٹ کیا۔ ہینرک کلاسن ایک رن کو جڈیجہ نے ایل بی ڈبلیو آوٹ کیا۔ شامی نے 14ویں اوور میں راسی وان ڈار ڈوسین کو 13 رن پر ایل بی ڈبلیو آؤٹ کیا۔ اس کے بعد 17ویں اوور میں جڈیجہ نے ڈیوڈ ملر کو 11 رن پر بولڈ کر کے پویلین بھیج دیا۔ مارکو جانسن 14 رن بنا کر 19 ویں اوور میں کلدیپ کا شکار بنے۔ کیشو مہاراج سات رن بنا کر جڈیجہ کی گیند پر بولڈ ہوئے۔ کگیسو ربادا چھ رن بنا کر جڈیجہ کے پانچویں شکار بنے۔ اس کے بعد کلدیپ نے 28ویں اوور کی پہلی گیند پر لونگیسانی اینگیڈی کو صفر پر بولڈ کرکے جنوبی افریقہ کی اننگز کا خاتمہ کردیا۔
ہندستان کی جانب سے رویندرا جڈیجہ نے پانچ وکٹیں حاصل کیں۔ محمد شامی اور کلدیپ نے دو دو وکٹیں حاصل کیں۔ جبکہ سراج نے ایک بلے باز کو آؤٹ کیا۔
اس سے قبل پہلے بیٹنگ کرتے ہوئے ہندستان نے وراٹ کوہلی کے ناٹ آوٹ 101 رن، شریاس ایئر کے 77 رن اور کپتان روہت شرما کے 40 رن کی بدولت جنوبی افریقہ کو 327 رن کا ہدف دیا۔
ایڈن گارڈن اسٹیڈیم میں ٹاس جیت کر پہلے بلے بازی کرنے آئے روہت شرما اور شوبھمن گل کی ہندوستان کی اوپننگ جوڑی نے ٹیم کو اچھی شروعات دی۔ ہندستان کو پہلا جھٹکا روہت شرما کی شکل میں لگا انہوں نے 24 گیندوں پر 40 رن بنانے ۔ ربادا نے انہیں وکٹ کیپر بووما کے ہاتھوں کیچ آؤٹ کرایا۔ اس کے بعد بیٹنگ کے لیے آئے وراٹ کوہلی نے شبھمن گل کے ساتھ اننگز کو سنبھالا۔
11ویں اوور کی تیسری گیند پر مہاراج نے شوبھمن گل کو 23 رن پر پویلین بھیج کر ہندستان کو دوسرا جھٹکا دیا۔ گل کے جانے کے بعد بیٹنگ کے لیے آئے شریاس آئر نے وراٹ کے ساتھ تیسری وکٹ کے لیے 134 رن کی مضبوط شراکت داری کی۔ ایر 37ویں اوور میں مارکرم کے ہاتھوں اینگیڈی کے ہاتھوں کیچ آؤٹ ہوئے۔ ہندوستان کی چوتھی وکٹ 43ویں اوور میں آٹھ رن کے ایل راہول کی صورت میں گری۔ پانچویں آؤٹ ہونے والے بلے باز سوریہ کمار یادو 22 رن تھے انہیں شمسی نے ڈی کاک کے ہاتھوں کیچ آؤٹ کرایا۔ رویندرا جڈیجہ 29 رن بناکر ناٹ آؤٹ رہے۔
جنوبی افریقہ کی جانب سے لونگی اینگیڈی، مارکو جانسن، کاگیسو ربادا، کیشو مہاراج اور تبریز شمسی نے ایک ایک بلے باز کو آؤٹ کیا۔
