ای ڈی نے ابھیشیک بنرجی کو طلب کیا

کولکاتہ، 8 نومبر (یو این آئی) مغربی بنگال میں انفورسمنٹ ڈائریکٹوریٹ (ای ڈی) نے ریاست کے اسکولوں میں نوکریوں کے مبینہ گھپلے کو لے کر ترنمول کانگریس کے قومی جنرل سکریٹری ابھیشیک بنرجی کو طلب کیا ہے۔ای ڈی نے مسٹر بنرجی سے کہا ہے کہ وہ 9 نومبر کو یہاں کے سی جی او کمپلیکس، سالٹ لیک میں تفتیشی افسران کے سامنے حاضر ہوں۔ سرکاری ذرائع نے بدھ کو یہ اطلاع دی۔ڈائمنڈ ہاربر سے لوک سبھا ممبر اور وزیر اعلیٰ ممتا بنرجی کے بھتیجے مسٹر بنرجی کواس معاملے میں 9 اکتوبر کوبھی طلب کیا گیا تھا لیکن وہ اس وقت حاضر نہیں ہوئے تھے۔
قابل ذکر ہے کہ کلکتہ ہائی کورٹ کے حکم کے بعد وفاقی ایجنسی کی طرف سے تحقیقات کی جا رہی ہے۔ ڈائریکٹوریٹ مذکورہ گھوٹالے کے لئے فنڈز کے لین دین کی تحقیقات کر رہا ہے، جس نے ریاست بھر میں سرکاری اسپانسر شدہ اسکولوں میں اہل امیدواروں کو فراہم کیا اور مبینہ طور پر نااہل امیدواروں کو نقد کے بدلے نوکریاں فراہم کیں۔